Prodhuesi koreano-jugor i aparatëve celular ka raportuar fitime në 5.93 miliardë dollarë gjatë tremujorit të dytë të vitit, që përkthehet në një rënie prej 4% në krahasim me të njëjtën periudhë të një viti më parë.
Ndërkohë, fitimet e divizonit të aparatëve celularë kanë regjistruar një përmirësim fare të lehtë në krahasim me trejumorin paraardhës. Fitimet e komapnisë nga smartphone kanë rënë ndjeshëm në terma vjetorë, duke sinjalizuar kështu një dështim të modelit të fundit të linjës, Samsung Galaxy S6 dhe S6 edge.
Në mënyrë që të adresojë problemin e ngadalësimit të shitjeve, gjigandi koreanojugor planifikon të ndryshojë çmimin e këtyre të modeleve. Nga ana tjetër, Samsung planifikon të hedhë në treg një model premium të celularit me ekran të kurbëzuar, që do të ketë përmasa më të mëdha se modeli aktual. Ekspertët shprehen se një lëvizje e tillë mund ti japë një shtysë shitjeve, por se nga ana tjetër, ato do të vijnë në kurriz të fitimeve.
Ulja e çmimeve nuk ka gjasa që ta rikthejë komapaninë në majat e saj. Samsung ka shitur rreth 89 milionë aparatë celularë gjatë tremujorit të dytë të vitit, ose rreth 6% më pak se e njëjta periudhë e një viti më parë.
Nga ana tjetër, ndarja e tregut i jep një goditje edhe më të madhe kompanisë, pasi tashmë i gëzohet vetëm 18.9% të tortës globale, ndërkohë që një vit më parë pjesa e tyre fiksohej në 21.5%. Ndërkohë, rivalët e betuar të Apple, vazhdojnë marshimin. Kuotat e kompanisë kaliforniane në tregun e aparatëve celularë janë rritur në 10.1%, nga 8% një vit më parë.
