Opozita shqiptare ka paralajmëruar një seri protestash këtë Janar si formë e aksionit politik ndaj mazhorancës dhe qeverisë “Rama 2”.
Mbrëmjen e së dielës, ‘dyshja’ Kryemadhi-Vasili janë parë në ambientet e selisë blu ndërsa burime nga terreni thonë se shkak i vizitës është bërë një takim me Lulzim Bashën për koordinimin e protestave.
Dy figurat kyçe të Lëvizjes Socialiste për Integrim janë parë gjithmonë bashkë në takimet me Bashën, ndërsa kreu i PD nuk ka prituar aleatë të tjerë sot përveç LSI-së.
Pas rreth dy orësh takim me LSI, Basha mësohet se ka takuar edhe dy nënkryetarët e partisë së tij Edi Paloka dhe Edmond Spaho.
Mësohet se të hënën paradite përmes një konference të përbashkët, Basha dhe Kryemadhi do të zbardhin detajet e protestës së parë për vitin 2018.
Po në Janar, ambasadori amerikan Donald Lu ka paralajmëruar arrestimin e ‘peshkut të madh’.
Aksioni opozitar në rrugë është aluduar në media si formë rezistence ndaj hetimeve që mendohet se janë shtrirë tek politikanët VIP të Shqipërisë. /JavaNews/b.d
