Në rrjete sociale na ndodh shpesh të shohim video që janë gati të pabesueshme, por këtë herë një burrë 25 vjeçar nga Port Arthur në Teksas ka kaluar çdo kufi. Ai ka “përdorur” fëmijën e tij vetëm 3 muajsh për të pastruar xhamat e përparmë të makinës nga bora. Më e keqja? Nëna është ajo që filmon videon, ku dëgjohen edhe të qeshurat e tyre.
Këto pamje absurde janë bërë virale në rrjet, pasuar me një sërë reagimesh të ashpra. TikTok e ka hequr videon nga platforma, ndërsa autoritetet kanë nisur hetimet për rastin e pazakontë.
Është bërë edhe ekzaminimi i foshnjes, i cili rezulton të jetë mirë. Shefi i policisë së Port Arthur ka thënë në një deklaratë për mediat se “është i trishtë fakti që njerëzit po arrijnë deri këtu, për të marrë klikime.”
Komentet dominuese për pamjet ishin të tipit:
“S’mund t’u besoj syve kur shoh këtë idiot që po bën këtë. Ai nuk duhet lejuar pranë asnjë fëmije!”
“Kjo është e tmerrshme dhe kushdo që mendon se është për të qeshur, është thjesht i sëmurë.”
