Një vizitë rutinë për dhimbjet e hernies diskale u shndërrua në një betejë të frikshme për jetën për Zamirën, e cila ka ndarë historinë e saj tronditëse në rubrikën “Ka Një Mesazh Për Ty” në TV Klan.
Përballë moderatorit Ardit Gjebrea, ajo ka rrëfyer momentin kur mjekja në Itali i dha lajmin e rëndë se mëlçia e saj kishte marrë fund nga përdorimi i tepërt i qetësuesve dhe Hepatiti B.
Diagnostikimi i papritur bëri që asaj t’i thuhej troç se ndodhej “në grykë të varrit” dhe se i kishte mbetur vetëm 1% shans për të jetuar.
Zamira: Erdhën të dy prindërit në Itali dhe gjithçka shkoi mirë?
Ardit Gjebrea: Po si nisën problemet e shëndetit tënd?
Zamira: Punoja isha kuzhiniere dhe kisha dhimbje, hernia diskale, për shumë vite. Nga puna që kisha, ngrija pesha të rënda dhe rija në këmbë gjithë daën, edhe dhmbjet ishin shumë të mëdha. Pija shumë qetësuesa. Kisha edhe Hepatit B. Ato më shkaktuan probleme te mëlçia. Më lanë takim me mjeken. Shkova atje dhe më tha ‘Zamira ti je ai personi që do të bësh operacion kurrizin nga hernia diskale?’. ‘Po’, i thashë unë. ‘çfarë hernie diskale më tha mua, ti je në grykë të varrit’. Mëlçia jote ka marrë fund, kështu që ti duhet të shtrohesh me urgjencë në spital dhe nuk ke për të lëvizur këmbë nga spitali. Do e lëmë një herë hernien diskale, vetëm 1% jetë ke.’ Më shtruan te spitali te Siena.
