Edhe pse i ati i kriminelit që vrau 50 persona në Orlando, është treguar i matur, policia dyshon shumë për qëllimet e tij të vërteta.
Babai i Omar Mateen, i identifikuar nga policia si autori i masakrës së Orlandos ku humbën jetën 53 persona (lexo këtu), ka thënë se nëse do të mundte t’i bënte një pyetje djalit të tij, do ta pyeste: “Pse?”
“Nuk mendoj se ai ishte i radiklaizuar. Këtë ma thotë instikti im,” ka thënë Seddique Mateen, i lindur në Afganistan, në një intervistë pas ngjarjes në club-in e komunitetit gay.
Ai ka rrëfyer se e kishte takuar të birin një ditë para tragjedisë dhe nuk kishte parë asgjë të pazakontë tek ai.
Mirëpo, vetë Seddique Mateen, nuk duket të jetë aq i panjohur për radikalistët në Afganistan, citon Express.
Pas hetimeve të para, Mateen ka rezultuar të ketë drejtuar një emision politik rreth marrëdhënieve Afganistan-Pakistan, në të cilin mbështet talebanët afganë. Në një postim të tij të fundit në Facebook, ai madje e prazanton veten si president i Afganistanit. (b.an)
