Hulumtuesja amerikane Ivana Stradner ka shpërndarë në “Twitter” simbolet e agresionit rus në Ukrainë, të destinuara veçanërisht për Kosovën.
“Me sa duket, shenja “Z” nuk është më e lidhur vetëm me agresionin rus në Ukrainë. “Telegram” rus tani promovon një slogan të ri “Z për Kosovën”.
Ndaj këtij simboli ka reaguar edhe eksperti i sigurisë, Agim Musliu.
“Rusia dhe Serbia janë “nëna dhe bija”. Simbolet e agresionit rus ne Ukrainë, me simbole shtesë edhe për Kosovën. Në veri, ka prezencë ruse këto ditë. Ajo po shtohet në përditë. Edhe të armatosur, struktura paramilitare. Të kontrolluara nga kreu i Serbisë, krimineli Vuçiç. Aleati më i madh i Putinit dhe seherbazi qe e ka vënë një pjesë të Evropës në gjumë. Evropa shpesh ka qenë e tillë. Megjithatë, gjumin ua kemi prish shpesh”.
Tensionet në veri të Republikës së Kosovës janë shtuar që nga koha e vendosjes së barrikadave nga serbët. Kryeministri Kurti ka deklaruar se ka njerëz të armatosur.
Në anën tjetër, për ditën e nesërme, grupe të ekstremit të djathtë serb, të lidhur ngushtë me Federatën e Rusisë, nga Serbia, Mali i Zi dhe Bosnje e Hercegovina, kanë deklaruar se do të vijnë në Jarinjë për ta “çliruar” atë.
/a.r
Te gjith jeni zgjuar vone nga gjumi ,sidomos Rama me Ballkanin e hapur,Rama esht nji piktor dhe nuk esht i shkolluar qe ta kuptoj Vucicin se si funkcionon plani i tij,Shqiperia ka gjera ne dore per ti ndihmuar Kosoves por nuk ka interes ,Shqipetaret punojne ma mire me te huajt se sa me njeri tjetrin se bashku ku nuk ka bashkim ka vetem dobesi dhe keshtu na qesh gjith bota.