Shkenca ka zbuluar se çfarë e bën flirtimin të funksionojë dhe çfarë jo. Flirtimi ndonjëherë lidhet ngushtësisht me beqarët, por eksperienca ka treguar se edhe çiftet ndiejnë gjithashtu nevojë të flirtojnë.
Ju mund të mendoni se nuk dini gjë për flirtimin, megjithatë kur takoheni me dikë që ju pëlqen instinktivisht filloni të silleni ndryshe.
Prekni parakrahun. Mendojeni kështu: do të preknit ndonjëherë një parakrah që i përket dentistit apo profesorit tuaj? Sigurisht që jo sepse sa për dijeni, edhe kjo është një zonë erogjene. Kur të jeni gati, bëni një prekje të lehtë, jo kapje, në mënyrë që ai të dyshojë a ishte e vërtetë apo thjesht e kishte imagjinuar.
Mos ngulni sytë. Mendojeni kontaktin sy më sy më shumë si një shikim hajduti sesa ngulje sysh prej psikopati. Shiheni atë në sy dhe numëroni deri në tre (jo me zë!). Tani shihni postë me ngadalë dhe akoma më ngadalë se kaq, shihni prapë lart. Ju garantojmë se në tre minutat e ardhshme personi përballë do t’ju qerasë me një gotë.
Mos e kërkoni me ngulm bisedën. Moti është një temë e mërzitshme, po ashtu si filmat, librat e lexuar së fundmi dhe njerëzit e shumtë në lokal. E dini çfarë nuk është e mërzitshme? Një femër me vetëbesim që afrohet dhe thotë “Ç’kemi”. E shihni? Boooom!
Kontraktoni qepallat e poshtme. Me siguri nuk e keni bërë kurrë më parë këtë. Por seriozisht, provojeni. Ju krijon një picërrimë të lehtë të syve që tregon se po dëgjoni. Dhe meqë të gjithë jemi nga pak egomanjakë, një njeri që të dëgjon është gjithmonë tundues.
Pini diçka. Po jo më shumë se një diçka, ose dy. E dimë që mendoni se jeni të lezetshme kur jeni pak të pira por seriozisht… nuk jeni! Të kesh kontroll mbi të gjitha funksionet e trupit gjatë gjithë kohës është seksi.
Dini ku të vini gishtin. Fillimisht, rrituni! E kishim fjalën për vendosjen e gishtit në buzën e gotës dhe lëvizjen delikate rreth saj, shkruan Anabel. Ose një ide më e mirë, luani në mënyrë të pavëmendshme me varësen. Sytë do të ndjekin gishtat.
Jini të vëmendshme me sytë. Ai po flet, ju po e dëgjoni. Vazhdoni të dëgjoni por për një momenti shihni buzët e tij teksa ai flet. Oooook boll i rrotulluat sytë sepse kjo seriozisht është shumë seksi. Përdoreni këtë manovër vetëm nëse jeni gati për t’u puthur. /Telegrafi/
