Një shkrim i përgatitur në mediat kosovare shpjegon se cilat besëtytni popullore, duan te shpjegojne se çfarë do të thotë kur ju dridhet qerpiku i syrit apo siç thuhet në popull, kur ju dridhet qerpiku i majtë. Dridhja e qerpikut të syrit në mjekësi quhet blefarospazëm, në popull – dridhje e qerpikut.
Shkenca thotë se kjo shpesh ndodh për shkak të qëndrimit ulur pranë kompjuterit, stresit apo mungesës së gjumit, apo çrregullimit nervor, ndërsa besëtytnia popullore – shkaktar i kësaj është ndonjë shenjë. Vetëm duhet interpretuar drejt.
Popujt e ndryshëm kanë besëtytni të ndryshme kur është fjala për dridhjen e qerpikut, mirëpo pothuajse nuk ka popull i cili nuk ka bërë interpretime të këtij fenomeni. Ja çfarë thonë dhe përse ndodh kjo.
Kinë
Në Kinë mendojnë që dridhja e qerpikut të majtë është fat, mirëpo nëse lëviz i djathti, atëherë është shenjë e keqe, transmeton Telegrafi. Mirëpo nëse personit të gjinisë femërore i dridhet qerpiku i poshtëm i syrit të majtë, kjo do të thotë që dikush e përgojon.
Indi
Indianët besojnë që është fat i keq nëse ju dridhet qerpiku i syrit të majtë, ndërkaq shenjë e mirë nëse lëviz i djathti. Pra, krejtësisht e kundërt nga kinezët.
Ishujt Havaj
Besojnë që dridhja e qerpikut të syrit të majtë do të thotë mysafir të huaj në familje, ndërkaq nëse ai qerpik dridhet pa ndërprerje, atëherë kjo do të thotë shpartallim të familjes.
Ballkan
Ekzistojnë interpretime që dridhja e qerpikut të syrit të djathtë do të thotë që do të realizohet ajo që keni menduar në atë çast, ndërkaq dridhja e qerpikut të majtë – parashenjë e keqe. Kjo me siguri ka qenë shenjë e mirë për të gjitha femrat të cilat kanë pasur frikë që burrat nuk do t’u kthehen nga lufta.
Në vende të tjera, megjithatë, besohet që dridhja e qerpikut të sipërm të syrit të djathtë do të thotë gëzim në familje, ndërkaq dridhja e qerpikut të poshtëm – lidhje e miqësive të reja. Qerpiku i sipërm i syrit të majtë – lindje e djalit në shtëpi, ndërkaq i poshtmi – lajm i keq.
Lëreni edhe ju komentin dhe na tregoni edhe neve se si interpretohet në vendin tuaj kur ju dridhet qerpiku i syrit të djathtë dhe qerpiku i syrit të majtë.
