Nga Artur Ajazi
Në fakt, ka shumë aludime, ka shumë zëra dhe llafollogjira, që thonë se “ç’do ngjasë në 12 Maj kur PD dhe Berisha të humbin zgjedhjet”. Unë personalisht mendoj, hiç asgjë. Por duke njohur natyrën dhe historikun e Partisë Demokratike them se, ata do të tentojnë “gjoja të protestojnë”. Dhe ku ? Para Kryeministrisë. A thua se Kryeministria, është “hambari votave për socialistët”.
Një mentalitet donkishotesk, që Berisha e injektoi tek të vetët. Pra “në rast se humbasim, na i vodhën votat”. Por a mund të thuhet në 2025 kjo gjë. A mund të mendohet se në 2025, mund të vjedhësh vota (siç bëri PD në Majin e Tetorin e 1996), apo dhe mund t֝ blesh vota me thasë mielli dhe kanoçe vaji ? Jo kurrë nuk ndodh kjo, pasi shqiptarët sot jetojnë jo në standard mizerabiliteti, dhe nuk janë keq për bukë, ujë, apo dhe 5 mijë lekësha. Shqipëria dhe shqiptarët sot, kanë tjetër nivel mendor, logjik, kanë të tjera emocione, dhe qasje për politikën, mirëqeverisjen, progresin, dhe dinë të ndajnë, të bardhën nga e zeza. Më tepër se kurrë më pare, Partia Demokratike po mendon kësaj here për të gjetur “shkakun, arsyet, dhe autorin e vjedhjes së votave”.
Dhe kjo për faktin sepse, asaj (ose pjesës më rradikale të PD) do ti duhet të pergatisë mbrojtjen e liderit historik. Do ti duhet të mbushë dosjet me “fakte dhe emra të blerësve të votave”. Do ti duhet të ngrejë qysh tani, akuzat ndaj “policisë, prokurorisë, gjykatave, KQZ-së, madje dhe ndaj ambasadorëve”. Ata do të jenë të pakursyer në akuzat dhe presionet e tyre, medemek “për humbjen e pamerituar dhe vjedhjen e votave”.
Realisht besoj se Berisha e ka qysh tani, gati skenarin e post 12 Majit. Ai e di fare mirë se, nuk ka arsye, nuk ka forcë dhe argument bindës, të bëjë shumicën e shqiptareve ti japin votën në 11 Maj. Gjithashtu, Berisha e di fare mire se, shqiptarët edhe sot e kësaj dite, nuk harrojnë vitin e mbrapshtë 1997, nuk harrojnë vjedhen dhe zhvatjen e pasurive publike, se nuk harrojnë kollaj vjedhjet e parave nga piramidat, apo dhe viktimat e armëve të lëna në mëshirën e fatit.
Për të menduar fitoren në 11 Maj, Partisë Demokratike dhe Sali Berishës, i duheshin 1001 arsye dhe argumenta bindëse, që të arrinin të ndryshonin mëndjet e shqiptarëve. Nuk është e lehtë të arrish fitoren sot ndaj PS dhe Edi Ramës, kur në 12 vjet qeverisje, veçse është punuar, ndërtuar, dhe zhvilluar gjithçka lidhet me ekonominë, shëndetsinë, arsimin, ushtrinë, integrimin, apo dhe imazhin e vendit në botë.
Të matës forcat me një qeveri, dhe një parti që ka fituar gjithmonë zgjedhjet e lira për shkak të angazhimeve serioze dhe besimit që ka në popull, duhet të mendohesh 100 herë. PD dhe Berisha, nuk e menduan se, shqiptarët nuk janë më “dele” që ti premtosh dhe bindësh me imagjinatë, apo me forma të tjera represive, ndaj dhe do të humbasin thellë në 11 Maj.
