Arbana Osmani është një nga moderatoret më të përfolura të momentit, për shkak të eskperiencës së saj në prezantimin e “Big Brother VIP Albania”, një format që ka kaluar të gjitha pritshmëritë e klikimeve dhe popullaritetit në të gjithë Shqipërinë.
Arbana është shprehur vazhdimisht se është shumë e lumtur dhe krenare për shikueshmërinë e lartë që ka patur programi. Nëpërmjet një interviste me ndjekësit e saj të “Instagram”, ajo ka zbuluar dhe disa momente nga prapaskenat e spektaklit.
“Jam shumë e lumtur, krenare dhe pafund mirënjohëse. Kam shijuar çdo pjesë. Jam me fat që bëj punën që dua me njerëzit që dua”, ka shkruar ajo ndër të tjera.
Mirëpo, ajo që ka tërhequr më shumë vëmendje ka qenë edhe lajmi i bukur që moderatorja e njohur ka ndarë me ndjekësit e saj.
E pyetur se çfarë do të vijë pas përfundimit të formatit të “Big Brother VIP Albania”, Arbana Osmani është përgjigjur se do të publikohet një film i ri, të cilin mezi pret ta shikojnë të gjithë
“Po çfarë presim pas Big Brother?”
“Një film shumë të bukur në kinema që mezi pres ta shihni të gjithë”- është përgjigjur ajo duke shtuar ‘hashtag’-un “Sofia”, që besojmë se i referohet emrit të filmit.
/b.h
