Çfarë dhurate i bëri kryeministri Rama këngëtares Rona Nishliu
Këngëtarja Rona Nishliu feston sot ditëlindjen e 27-të. Mes urimeve të familjarëve, miqve dhe admiruesve, ajo ka marrë edhe një urim shumë të veçantë: atë të kryeministrit Edi Rama.
Një tufë trëndafilash të bardhë dhe një kartolinë ku urohet thjesht është dhurata e kryeministrit shqiptar për këngëtaren që përfaqësoi Shqipërinë në Eurovizion në vitin 2012.
“E nderuar me kujdesin dhe befasinë e këndshme nga Kryeministri Shqiptar, Edi Rama”, shkruan Rona në profilin e saj në Facebook.
Rona Nishliu përfaqësoi Shqipërinë në festivalin Europian të këngës 3 vjet më parë. Me këngën “Suus”, ajo u rendit e pesta në edicionin e mbajtur në Baku të Azerbajxhanit, duke u bërë kështu këngëtarja shqiptare që siguruar pozicionin më të mirë në këtë festival, që nga pranimi i Shqipërisë në garë.
