Kreu i Komisionit të Ligjeve, Ulsi Manja deklaroi sot se nuk do të ketë një seancë të posaçme me kryetaren e Autoritetit për Informimin mbi Dokumentet e Ish-Sigurimit të Shtetit, Gentiana Sulën lidhur me të kaluarën e prokurorit Bujar Sheshi nëse ka qenë i lidhur me ish-Sigurimin e shtetit.
I pyetur nga gazetarët lidhur me këtë çështje, Manja tha se nuk do ketë një seancë dëgjimore të posaçme për këtë çështje, por do jetë në kuadrin e raportimit që do bëjë Autoriteti për Informim në Komisionin e Ligjeve.
“Kur të vijë të raportojë në Komisionin e Ligjeve do të pyetet edhe rreth atyre shqetësimeve dhe problematikave që ka ngritur Komisioni i Pavarur i Monitorimit në raportin e vet”, u shpreh Manja.
“Jo vetëm për mua, por për këdo do ishte shqetësuese që në çdo organ, jo vetëm në KLGJ apo KLP të ketë anëtarë që kanë probleme me ligjin, por çështja po trajtohet në rrugë institucionale dhe zyrtare”, tha ai.
/a.rada
