Avokati Genc Gjokutaj ka folur për gazetarët pas seancës në GJKKO për dosjen “Partizani”. Në prononcimin e tij për mediet, referuar dëshmisë së Taulant Ballës, Gjokutaj tha se drejtësia ka dëgjuar sot një gënjeshtar, i cili gjysmën e dëshmisë nuk e mbante mend. Avokati tha se ekziston mundësia që Balla mos ta ketë bërë vetë kallëzimin e tij.
I pyetur për thirrjen e kryeministrit Rama në GJKKO për dosjen “Partizani”, Gjokutaj u shpreh se e ka detyrim paraqitjen dhe do të ishte skandal i madh nëse do ta refuzonte thirrjen.
“Për Taulant Ballën dhe shokët e tij. Drejtësia ka dëgjuar sot një gënjeshtar, i cili 50% të dëshmisë nuk e mbante mend, nuk dinte çfarë akuzash ka bërë. Vetë akuza kundërshtoi një pjesë të dëshmisë së tij. Bën vaki dhe mos ta ketë bërë vetë kallëzimin.
Rama nuk ka luajtur mendsh mos të vijë në gjykatë, ka detyrim ligjor, do ishte skandal shumë i madh”, tha Gjokutaj.
