Sekretari i Përgjithshëm i Ministrisë së Brendshme Plarent Ndreca deklaroi në “Bardh a Zi” në ABC se nuk ka indicie për të nisur çështje në SPAK në lidhje me humbjen e gjyqit në arbitrazh nga shteti shqiptar me sipërmarrësin italian Francesco Becchettin.
“Kjo është një çështje që ka marrë shumë kohë për t’u shqyrtuar. Mungon qëllim. Ka pasur argumente pse ky është objekt arbitrazhi. Të dyja palët kanë pasur argumente. Sistemi nuk funksionon ashtu. Nuk mund të fillojë një çështje penale pa pasur indicie e cila ka një qëllim kriminal. Po të ishte ashti i bie që në 30 vite për çdo gjyq që ka humbur shteti shqiptar, të shkonte çdo funksionar në burg”, deklaroi Ndreca.
Ai u shpreh se për funksionimin e reformës në drejtësi duhet të ketë besimi. Ndreca mori në shembull Anglinë ku theksoi se të vetmet institucione që nuk u kthehet shpina janë mbretëresha dhe gjyqtari.
“Reforma në drejtësi fillon menjë element të rëndësishëm që është besimi. Nëse politika e merr besimin një herë në katër vjet. I vetmi pushtet që funksionin bazuar në besim është ai në drejtësi. Është shumë e rëndësishme që edhe në kanunin e Lekë Dukagjinit, plaku nuk diskutohej kurrë. Ne kemi një sistem drejtësie të rekrutuar.
Është shumë e rëndësishme se ka dhe gjyqtarë dhe prokurorë që bëjnë përjashtim nga sistemi. Në Angli të vetmet institucione që nuk u kthehet shpina është mbretëresha dhe gjyqtari. A e bëmë reformën? A e pastruam sistemin? A mund t’i japim besim tani këtyre njerëzve?
Është një shenjë e mirë kur gjyqësori vendos kundër qeverisë. Është tregues që qeveria nuk ndërhyn tek gjyqësori. Në fund të ditës gjyqësori është krijuar për të kontrolluar dy pushtetet e tjera. Nëse ne e bëmë reformën, hajde të bëjmë detyrën që t’ia japim këtë besim”, u shpreh Ndreca.
g.kosovari
