Në varrezat e ushtarëve grekë në Këlcyrë është zhvilluar ceremonia në nderim të JO-së së Greqisë kundër fashizmit italian. Në 28 tetor 1940, Greqia doli kundër pushtimit italian duke nisur luftën italo -greke.
Në varrezat e Këlcyrës, ku ndodhen një pjesë e eshtrave të ushtarëve grekë të rënë në këtë luftë u zhvillua ceremonia në nderim të tyre ku të pranishëm ishin zv.ministri i jashtëm grek, ambasadorja e Greqisë në Tiranë dhe përfaqësues të tjerë. Një ceremoni e tillë do të zhvillohet edhe në fshatin Bularat të Dropullit.
“Ashtu siç është diskutuar marrëveshja dypalëshe për eshtrat të njëjtin bashkëpunim kërkojmë për çështjen Beleri me qëllim që të mos vazhdojë të ndikojë negativisht në marrëdhëniet mes dy vendeve.
Siç është theksuar nga kryeministri Mitcotakis, Fredi Beleri ka të drejtë të betohet si kryetar i bashkisë së Himarës, e drejtë që buron nga kushtetuta dhe është absolutisht korrekte me të drejtën europiane. Greqia mbështet në mënyrë të palëkundur hyrjen e Shqipërisë në BE por kjo nënkupton respektimin e shtetit ligjor”, tha zv/ministri i jashtëm grek, i pranishëm në këtë ceremoni./m.j
