Prindërit në Meksikën jugore thonë se po kërcënohen nga një bandë pasi çerdhja ku ata çojnë fëmijët e tyre fitoi rreth 1 milion dollarë në një lotari.
Çerdhja ka rreth 25 fëmijë dhe prindërit e tyre u vunë në krye të administrimit të çmimit të fituar nga institucioni. Menjëherë lajmi u bë publik, ata nisën të marrin kërcënime nga një grup i armatosur, i cili kërkonte që t’i përdornin paratë për të blerë armë për bandën.
Familjet thonë se u detyruan të largoheshin nga fshati i tyre. Dhuna mes bandave është e përhapur në Meksikë dhe grupet e armatosura shpesh përpiqen të rekrutojnë vendas në luftën e tyre me rivalët për kontrollin e territorit.
Një numër i biletave prej 500 bileta të lotarisë u blenë nga dashamirës anonimë dhe iu dhuruan shkollave dhe çerdheve të varfra në të gjithë vendin.
Shteti meksikan organizoi lotarinë pasi një plan i mëparshëm për të bërë shortin për të mbledhur fonde për furnizimet spitalore. Një listë me 100 fituesit u shpall në shtator 2020 dhe u botua në gazetat meksikane.
Mes fituesve ishte edhe çerdhja në fshatin indigjen të Ocosingo ishte ndër fituesit. Fitimi i papritur ishte arsye për festë në fillim, por problemet filluan menjëherë pasi u përhap lajmi.
Anëtarët e shoqatës së prindërve thonë se ata filluan të merrnin kërcënime nga një grup i armatosur i quajtur Los Petules, i cili kërkonte që paratë e çmimit të përdoreshin për të blerë armë për bandën, e cila thuhet se kishte planifikuar të sulmonte një grup rival në një fshat fqinj.
Prindërit refuzuan dhe në vend të kësaj shpenzuan një pjesë të parave për një çati të re për çerdhen. Kërcënimet u shtuan këtë vit kur prindërit vendosën të përdorin paratë e mbetura, rreth 700 mijë dollarë për të përmirësuar infrastrukturën në fshatin e tyre.
Në mars, një prind u qëllua me armë nga anëtarët e bandës të cilët kërkuan që ai të dorëzonte paratë e çmimit. Muajin e kaluar situata u përshkallëzua më tej kur banda sulmoi gratë dhe fëmijët në fshat, duke bërë që 28 familje të braktisnin shtëpitë e tyre.
Një anëtar i shoqatës së prindërve tha se komuniteti kishte humbur “bagëtitë, shtëpitë tona, frigoriferët, të korrat tona të misrit dhe fasules, pulat tona”.
Një zëdhënës i familjeve tha se ata kishin njoftuar autoritetet lokale për gjendjen e tyre, por nëse banda nuk çarmatosej dhe shpërbëhej, ata nuk do të mund të ktheheshin në shtëpitë e tyre./m.j
