Kur kanë kaluar dy javë nga nisja e censit 2023 në vendin tonë, procesi duket se po vijon normalisht edhe në bashkitë ku regjistrimi i popullsisë dhe etniteti janë disi më sensitivë, siç është bashkia e Himarës. Përgjegjësja e INSTAT për qarkun e Vlorës në një prononcim për A2 CNN tregon se njerëzit janë shprehur të lirë se si ndihen dhe kujt etnie i përkasin, ndërsa në Himarë anketuesit janë zgjedhur nga banorët e zonës që e njohin mirë vendin.
INSTAT është shumë i kujdesshëm me të dhënat që mbledh dhe ruajtjen e fshehtësisë së tyre deri në përfundimin e procesit, dhe nuk jepen të dhëna as të përgjithshme p.sh., nëse kanë përfunduar anketimet në zona të caktuara apo jo.
Ky proces pritet të zgjasë deri në fund të muajit tetor, ndërsa rezultatet e detajuara pritet të bëhen publike në vjeshtën e vitit të ardhshëm.
/a.r
