Celta Vigo shkon në gjysmëfinale të Kupës së Spanjës, pas një fitoreje të madhe në “Vicente Calderon”, kundër Atletico Madrid. Ndeshja në Vigo ishte mbyllur në barazim pa gola, çka i detyronte madrilenët për fitore.
Miqtë kaluan të parët në epërsi, por Griezman u përgjigj pas shtatë minutash. Pjesa e parë u mbyll në barazim, ndërsa në të dytën Atletico luajti në kërkim të golit. Por, atë e gjet Celta, me një goditje fantastike të sudezit Guidetti. Pak më vonë erdhi goli i tretë, pas një goditjeje nga këndi.
Tetë minuta para mbarimit Atletico shkurtoi diferencën, por dy gola të tjerë ishin shumë për t’u shënuar dhe takimi u mbyll 3-2 me fitoren e miqve.
Celta synon për herë të katërt finalen e Kupës, të cilën nuk e ka fituar asnjëherë.
Për Atleticon është një humbje e madhe, por mbetet ende në luftë për dy trofe, titull e Champions League.
