Ceremonia e inaugurimit të Trump si President mesa duket nuk është një nga eventet më të pëlqyera nga artistët e mëdhenj. Pas refuzimit të Elton John, Andrea Bocellit, Celine Dion është një tjetër prej artisteve që kanë refuzuar të performojnë më 20 janar në Shtëpinë e Bardhë.
Celine Dion është një tjetër prej këngëtareve që kanë vendosur të mos këndojnë për ardhjen e Donald Trump në Shtëpinë e Bardhë.
Këngëtarja kishte marrë një ftesë për të kënduar më 20 janar në Ëashington, por e refuzoi pasi në të njëjtën datë ajo do të duhet të paraqitet në një koncert në Las Vegas.
Pak kohë më parë këtë koncert artistja e kishte anulluar si pasojë e vdekjes së bashkëshortit të saj Rene Angeill.
Ndaj për mos të zhgënjyer edhe një herë tjetër fansat 48 vjeçarja vendosi të refuzojë ftesën nga Presidenti i ardhshëm i Shteteve të Bashkuara të Amerikës, ndonëse janë miq të vjetër dhe numërohen evente të ndryshme në të cilat Celine Dion ka kënduar për Donald Trump.
Ceremonia e inaugurimit të Trump si President nuk duket të jetë një nga eventet më të kërkuara nga artistët e mëdhenj.
Disa javë më parë bëri bujë edhe refuzimi i bërë nga Elton John ndaj një ftesë të tillë, duke u komentuar se arsyeja ishte fakti se artisti ka qënë përherë një përkrahës i zjarrtë i Hillary Clinton.
Edhe Andrea Bocelli, ndikuar nga dëshira e fansave të tij për mos të qënë pjesë e ceremonisë së madhe për Donald Trump nuk do të performojë në eventin e Shtëpisë së Bardhë.
Për momentin Trump mund të mbështetet vetëm te këngëtarja fituese e American Idol 2010 Jackie Evancho, pasi asnjë artist tjetër deri më tani nuk ka konfirmuar pjesmarrjen në ceremoninë e inaugurimit të Trump si president, përgatiti Koha. (b.an)
Megjithate,Trampi do te filloje punen si President I SHBA,me daten 20 janar 2017,sikur edhe asnje kengetar militant, te mos kendoje.Ata militante (po deshen le ta quajne vehten edhe fansa te kandidateve te tjere),harrojne se koncerti behet per Presidentin e vendit,qe quhet Amerike,sipas nje tradite te gjate,pamvaresisht se kush eshte zgjedhur.