Luan Rama, marinari i anijes së peshkimit “Çelepia 2”, është gjetur në bordin e saj, ka bërë të ditur Ministria e Punëve të Jashtme e Shqipërisë. Marinari dhe kapiteni Dhimitër Malja u muron peng nga egjiptiani Adel Salam, tashmë i arrestuar nga policia egjiptiane, por nuk pranoi të jepte asnjë detaj për dy shqiptarët. Rama u gjet në anije, ndërsa për kapitenin Malja nuk ka ende dijeni për vendndodhjen dhe fatin e tij.
Njoftimi i MPJ:
Ministria e Puneve te Jashtme, deshiron te informojë opinionin publik mbi ecurine e operacionit te shpetimit te ekuipazhit te peshkatores “Çelepia 2”, se:
Menjehere pas marrjes se informacionit per gjetjen dhe bllokimin e peshkarexhes nga Marina egjiptiane dhe transferimin e saj ne nje port ushtarak ne Aleksandri, Ambasada jone ne Egjipt kontaktoi me autoritetet lokale te sigurise dhe hetimit, te cilat informuan se mes personave te ndaluar ne bordin e peshkarexhes gjendet shtetasi shqiptar Luan Mema, gjendja shendetesore e te cilit paraqitet e qendrueshme.
Ambasada shqiptare ne Egjipt po kujdeset per ti ofruar asistencen konsullore te nevojshme, si dhe ne bashkepunim me autoritetet egjiptiane, pas perfundimit te hetimit do te jap gjithe ndihmen e mundshme per kthimin e shtetasit Luan Mema ne Shqiperi.
Autoritet egjiptiane jane duke punuar per gjetjen e vendodhjes se shtetasit tjeter shqiptar, Dhimiter Malja si dhe kryerjen e te gjitha procedurave hetimore per zbardhjen e kesaj ngjarje. Ministria e Puneve te Jashtme dhe te gjitha organet e tjera te perfshira ne kete operacion shpetimi sigurojne opinionin publik per angazhimin maksimal.
d.i.
