Nga Namir Lapardhaja
Dështimi është i dhimbshëm, çon në dhunë.
E trishtë të shikosh Sali Berishën që të pushtojë partinë e tij, duke besuar se të drejtë ka vetëm ai, se ekziston vetëm e vërteta e tij.
Tashmë PD kërkon që të ketë jo vetëm lëvizje antiamerikane, por edhe godinë antiamerikane.
Ai thjesht bëri atë që ka lejuar të bëhet në kohën e tij -që tjetrit t’i pushtohet prona e shtëpia se dikush është i fortë, se beson se i takojnë të gjitha.
Ai bën pikërisht të kundërtën e asaj për të cilën u themelua PD -për të respektuar mendimin ndryshe, për të respektuar institucionet.
Tashmë çdo demokrat i qetë e ka të vështirë të akuzojë Ramën se shkel ligje, se nuk respekton vendimet e gjykatave edhe kur dënohet në Arbitrazh apo Strasburg.
Edi Rama është tashmë një mbret, që sheh cirkun fatkeq në oborrin e PD-së.
Çdonjëri prej nesh që voton PD, që ka mbështetur Berishën, duhet të ndjehet i trishtuar, pasi Berisha dha një spektakël dhune dhe force.
