Ndërsa rastet me Covid-19 rriten shumë në mbarë botën, ka pasur debate për faktin se mund të shfaqet imuniteti natyror i tufës, në një kohë që ende nuk ka një vaksinë.
Por shkencëtari dhe autori, William Haseltine thotë se koronavirusi i ri mund të jetë kompleks. Ai shprehet se Covid-19 nuk është një virus standard, që të krijohet edhe imuniteti i tufës.
“Ky nuk është një virus standard, që ju të krijoni imunitetin e tufës. Nuk ka asnjë dëshmi për imunitetin e tufës për koronaviruset. Nuk ekziston. Çdo vit, katër koronaviruse kthehen për të na sëmurur.
Nëse ju keni një nga ato koronaviruse, ai mund të shkaktojë të njëjtën sëmundje një vit më vonë. Ne tani e dimë nga studimet se gjatë një periudhe 2-mujore, do të shihni që imuniteti juaj dobësohet. Virusi nuk zhduket, por zbehet në atë periudhë të shkurtër.
Kështu që, nuk ka një gjë të tillë si imuniteti i tufës. Është fantazi. Ndodh për disa viruse. Nuk duket se do të ndodhë për Covid-19.”, thotë shkencëtari.
/a.r
