Nënkryetari i Partisë së Lirisë, Agim Nesho, deklaroi në emisionin “Të Paekspozuarit” në MCN Tv, se Ilir Meta do ta drejtojë policinë nga burgu. Ai u shpreh se Partia e Lirisë e ka quajtur arrestim politik ndaj Meta do të vijojë drejtimin. Nesho tha se ky është një arrestim i paralajmëruar, në funksion të pushtetit të Edi Ramës.
Biseda në studio:
Agim Nesho: Në rradhë të parë sot arrestimi i Presidentit Meta nga mënyra si është bërë tregon se ekziston një regjim, një drejtësi e kapur me dy standarde dhe po iu rikthehemi çështjeve të para, kur vjedhjet masive me PPP, ndarjes së Shqipërisë në pjesë etj., janë prezente dhe nuk vepron asnjë institucion i drejtësisë. Kemi parë drejtësi të njëanshme që mban nën arrest liderin e opozitës pa asnjë provë. Kemi parë spektakle të arrestimeve në masë si me dhëndrin e doktor Berishës ashtu edhe me zotin Meta. Shfaqje të tilla tregojnë se drejtësia shqiptare është në funksion të politikës dhe kërkon t’i shesë këto si fitore të mëdha. Shteti ligjor nuk funksionon, institucionet janë kapur dhe në këtë arrestim spektakolar, kemi parë deklarimin të kryeministrit që po reformohet Shqipëria.
Ylli Rakipi: Si do të drejtohet partia tani? Se edhe Kryemadhi ka ikur nga aty.
Agim Nesho: Partia dhe kryesia ka vendosur që do ta drejtojë partinë. Partia e ka quajtur arrestim politik dhe nuk ka asnjë argument. Ky është një arrestim i paralajmëruar, por në funksion të pushtetit të Edi Ramës. Ai ka thënë LSI do ta shkrij dhe Meta nuk duhet të jetë në politikë. Doli me emailet false që e quanin bashkëpunëtor të Sigurimit. Kemi parë retorikën e Ramës që thoshte arrestoni Metën se do t’i bëhet qejfi gjithë Shqipërisë. Kemi drejtësi që komandohet nga shkopi magjik i Edi Ramës. Është çështja Çyrbja që tregon se kjo qeveri duhet të kishte rënë. Kanë vjedhur votat e popullit. Diktaturat përballohen me guxim. Keni edhe Abilekajn, ka bërë një shkrim perfekt sot, që është esenca e funksionimit të shtetit policor në Shqipëri.
Ylli Rakipi: Ju thoni do të drejtohet partia nga burgu. Ndonjë masë a keni marrë? Ç’do të bëni? Ju pashë pak të papërgatitur. Ka kohë që thueht se Meta do të arrestohet. Vetëm ju dhe Blushi dilni edhe avokati që atë punë ka.
Agim Nesho: Shikoni se çfarë persekutimi i ka bërë opozitës regjimi i Ramës. Nga McGonigal…
Ylli Rakipi: Ju çfarë do të bëni tani ambasador?
Agim Nesho: Kjo do të sjellë padiskutim një zemërim të jashtëzakonshëm të popullit. Opozita është më e bashkuar. Ne mund të kemi pozicione intelektuale në shqyrtimin e çështjeve, por kur sheh presion të tillë, kjo drejtësi e kapur nuk spastron qelbin që ka kapur Shqipërinë, prandaj revoltohemi dhe opozita do të bashkohet.
Ylli Rakipi: Dakord por ata kanë kopsitur tre gjëra që ta mbajnë minimumi shtatë vjet aty brenda…
Agim Nesho: Regjimi i bën të gjitha. Kap ministër që ka vjedhur miliarda dhe e dënon për një restorant që ka hapur…
/a.r
