Dua Lipa është një ndër personazhet e famshme, përkrah ish-kunatës së saj Bella Hadid dhe ish-pornostares Mia Khalifa, që kërcënohet me vrasje në rreshtat e një kënge të publikuar nga një çift reperësh të rinj izraelitë.
Hiti i Ness dhe Stilla ka “pushtuar” titujt kryesorë të mediave rozë, për shkak të thirrjes thirrjes për vrasjen e këngëtares shqiptare, për shkak të qëndrimit të saj pro Palestinës.
Kënga u publikua në nëntor të vitit të kaluar, dy muaj pasi Hamasi sulmoi Izraelin jugor më 7 tetor. Që nga publikimi, kënga “Harbu Darbu” ka fituar titullin e saj si himni jozyrtar i luftës së IDF-së.
Ushtarët e vendosin atë rregullisht në altoparlantët e tyre dhe kënga është dëgjuar mbi 18 milionë herë në platformën Spotify .
Kënga është në hebraisht, por kur përkthehet në anglisht, është e qartë që në fillim se është agresive.
Titulli, Harbu Darbu do të thotë kaos. Dy rreshtat e parë janë: “Një tufë minjsh që dalin nga tuneli. Të silleni si banditë, ju idiotë, ju betohem se nuk do të ketë falje.” Ness dhe Stilla tallen me Hamasin, duke pretenduar se kur këndojnë ‘Palestina e lirë’ tingëllon si një ofertë për pushime.
Vargu i fundit fillon duke thënë “do të bjerë një stuhi mbi ju”, dhe përsërit vargun: “Çdo qen merr atë që meriton në fund“.
Më pas reperët rendisin të gjithë njerëzit në listën e tyre – ose, siç pretendojnë ata, listën e IDF-së. Në këngë, kjo fillon me krerët e Hamasit dhe Hezbollahut, por më pas ata e kthejnë vëmendjen te tre personazhet e famshëm.
“Çdo qen merr atë që meriton në fund. Bella Hadid, Dua Lipa, Mia Khalifa. Çdo qen merr atë që meriton në fund. Të gjitha njësitë e IDF-së po vijnë për të bërë Harbu Darbu mbi kokën e tyre.”
Por cilët janë artistët kontrovers që janë bërë të famshëm krejt pa pritur?
Ness, emri i vërtetë i së cilës është Nessya Levi, është 21 vjeç dhe një prurje relativisht e re në skenën muzikore.
Ajo ka një këngë tjetër në YouTube , e cila u ngarkua gjashtë muaj më parë, e quajtur “Çanta e vogël”. Levi, e cila është gjysmë ruse, shërbeu në IDF për një vit, pavarësisht se grave të reja izraelite u kërkohet të kryejnë dy vjet shërbim kombëtar. Pavarësisht se zakonisht nuk këndon për fenë dhe politikën, duke zgjedhur të shkojë në tema më të lehta, një intervistë me Ice Magazine të Izraelit tregoi anën më serioze të këngëtares.
“Fytyra e shëmtuar e botës doli në këtë luftë, kjo është mënyra jonë për të marrë pjesë dhe kontribuar. Nëse ata nuk dalin kundër nesh, atëherë do të dalin kundër ushtarëve të IDF-së, nëse jo ndaj ushtarëve të IDF-së, ndaj qeverisë. Nuk shqetësohemi, kjo këngë ka për qëllim të kontribuojë në bashkimin e shtetit të Izraelit”, tha ajo për Ice.
Stilla, 25 vjeç, emri i vërtetë i të cilit është Dor Soroker, ka qenë në industri për më gjatë se partnerja e tij muzikore, duke ngarkuar video në YouTube gjatë shtatë viteve të fundit.
Reperi është shumë më i aftë në tekste serioze sesa Levi dhe ka repuar për shëndetin mendor, përdorimin e drogës dhe izolimin. Në një nga këngët e tij, “Standing Heart”, Soroker flet për problemet e tij me ndjenjën e vetëm. Një pjesë e repit thotë: ‘Rri netëve, shkruan për orë të tëra dhe nuk mund të gjejë një melodi.
Dyshja bashkuan forcat duke vendosur videoklipin e tyre të parë muzikor në YouTube gjashtë muaj më parë, tre muaj para se të dilte ‘himni’ i tyre i suksesshëm për tubimin e luftës.
Në këngën, dy këngëtarët bëjnë thirrje për vrasjen e këngëtares Dua Lipa, modeles Bella Hadid dhe ish-pornostares Mia Khalifa. Dua dhe Bella kanë shprehur të dyja ndjenjat e tyre kundër luftës.
/f.s
