“Nuk do ketë drejtues policie që nuk do kalojë testin e agjentëve të FBI”, kjo është deklarata e fortë e kryeministrit Rama, duke paralajmëruar një skanim të plotë në radhët e policisë. Rama tha se një ndër agjentët më prestigjozë të FBI do vijë në Tiranë.
Bëhet fjalë për një marrëveshje të nënshkruar mes FBI-së dhe Policisë së Shtetit. Kryeministri zbuloi se bëhet fjalë për një agjent prestigjioz të Byrosë Amerikane të Investigimit që do të asistojë. Po kështu, do të jetë edhe një kompani amerikane e drejtuar nga ish-agjentë të FBI-së, e cila do të bashkëpunojë me Policinë e Shtetit.
“Një ndër agjentët më prestigjosë të FBI do vijë për të mbështetur policinë në luftën kundër krimit të organizuar. Nuk mbaron me kaq, vjen edhe një agjent shumë i lartë nga Gjermania. Po bisedojmë me një kompani që drejtohet nga ish-agjentë të FBI. Këto do të jemi, do shikojmë dhe do flasin. Do sjellin instrumentat e tyre operacionalë për vettingut. Nuk do ketë drejtues policie që nuk do kalojë testin e agjentëve të FBI.”, tha Rama
Gjithashtu FBI do të sjellë pajisjet e saj të specializuara që do të përdoren për të luftuar bandat, por edhe për të ndihmuar për vetingun në polici. Një prej tyre është edhe poligrafi, aparatura që tregon të vërtetën.
Ka dhe një instrument për sinqeritetin, poligrafi. Të gjitha këto do të jenë këtu”, tha Kryeministri Edi Rama para drejtuesve të policisë.
Duke iu referuar vettingut, Rama paralajmëroi operacion të pamëshirshëm në radhët e policisë
“Operacion i pamëshirshëm brenda rradheve të policsë së shtetit. Është e qartë se krimi ka arritur të korruptojë punonjës policie. I përshëndes dhe i inkurajoj masat radikale. Nëse kanstatohet parcelë kanabisi në Rinas, i gjithë zinxhiri i policisë të shkakrohet”, tha Rama
“Nuk justifikohet asnjë punonjës që gjithë jetën ka punuar polic dhe ka pasuri të pajustifikuara. Prandaj është vettingu në polici”, deklaroi Kryeministri
“Policët që nuk janë përzier me krimin të mbajnë kokën lart, të vazhdojnë të bëjnë punën për të mbajtur lart flamurin e policisë së shtetit, dhe që nuk e ul dot asnjë formë balte”, tha Rama
Kryeminsitri deklaroi se do i propozojë qeverisë që të vendosë çmim për kokën e çdo të kërkuari në Shqipëri
javanews/a.ç
