Adele ishte përlotur kur kishte pranuar çmimin “Albumi i Vitit” në Grammy Awards, dhe me këtë rast kishte thënë se çmimi meritonte të shkonte për Beyoncen.
Por, Carlos Santana ka thënë se pajtohet plotësisht me këtë vendim të jurisë, pasi sipas tij Adele është këngëtare shumë më e mirë se Beyonce, transmeton Koha.net. Santana, që ka fituar 10 Grammy Awards, gjithashtu ka thënë se Beyonce është më shumë modele se këngëtare.
“Mendoj se Adele fitoi sepse ajo mund të këndojë. Me gjithë respektin për motrën tonë Beyonce. Ajo është shumë e bukur për ta parë, dhe është më tepër si një modele në muzikë, por ajo nuk është këngëtare, me gjithë respektin për të”, është shprehur ai për Australian Associated Press
Carlos më vonë kishte shkruar në Facebook se komentet e tij nuk kishin për qëllim të ofendonin Beyonce, por që të uronte Adelen për një natë të jashtëzakonshme në Grammies. (b.an)
