Në pritje të rinisjes së profesionit të trajnerit, Carlo Ancelotti do të bëjë analistin e ndeshjeve të Champions League për goal.com, faqen më të madhe për futbollin në internet. Italiani 56-vjeçar është pushim pas largimit nga Real Madrid dhe operacionit të kryer në një klinikë në Kanada. Ai përflitet se do të pasojë Pep Guardiolën te Bayern në verën e ardhshme, por deri atëherë do t’u ofrojë lexuesve mendimet e tij për ndeshjet e kompeticionit kryesor të klubeve.
“Më pëlqen fakti që, përmes Goal.com, të mbetem në botën e futbollit dhe në kontakt me kaq shumë tifozë kudo në botë”, thotë Ancelotti.
