Gjykata e Hagës për ish-Jugosllavinë nuk do të mbyllë dyert pa arrestuar dhe dënuar ‘peshqit e mëdhenj’ të krimeve ne Ballkan, deklaroi në një intervistë për agjencinë e lajmeve “Presheva Jonë”, ish-kryeprokuroria e OKB-së për çështjet e luftës dhe aktualisht anëtare e e Komisionit Ndërkombëtar të Pavarur Hetimor për Sirinë,Carla del Ponte.
Duke folur për Tribunalin e ri të Hagës për krime në Kosovë se a do të ketë sukses në misionin e tij, del Ponte thekson se “po, po do të ketë sukses, ndryshe nuk do të ishte themeluar. Por megjithatë unë kam një dyshim mbi të. Një, sepse është themeluar tepër vonë, sepse shume dëshmitarë janë vrarë në terren. Dhe kam përshtypjen se nuk ka një vullnet politik për të hetuar “peshqit e mëdhenj” të krimit në Kosovë”.
“Në dallim nga gjykata e Hagës për ish-Jugosllavinë, Gjykata Speciale për Kosovën duket se do t’ia nisë të dënojë “peshqit e vegjël”, shtoi .
Në lidhje me arrestimin dhe mbajtjen në Francë të kreut të Aleancës për Ardhëmërinë e Kosovës, Ramush Haradinaj, Del Ponte shprehet se ish-kryeministri kosovar Haradinaj mendoj se nuk e meriton të mbahet në Francë, pasi ai është gjykuar dy herë në Hagë dhe është shpallur i pafajshëm”.
Carla del Ponte si një gjyqtare hetuese dhe kryeprokurore e Ministrisë Publike në Zvicër, ka hetuar dhe ndjekur penalisht rastet e terrorizmit ndërkombëtar, mafias ruse, kontrabandën e armëve dhe të spiunazhit, pastrimit të parave, si dhe aspektet e tjera të krimit të organizuar ndërkombëtarë përfshirë këtu edhe një zviceran me orgjinë shqiptare.
Pasi shërbeu si Kryeprokurore e Përgjithshme e Zvicrës, ajo u emërua kryeprokurore për Gjykatën Penale Ndërkombëtare për ish Jugosllavinë (ICTY) në gusht të vitit 1999. Ajo u gjend në këtë detyrë deri në vitin 2008.
Misioni i saj përfundoi me një bilanc të suksesshëm duke arrestuar e burgosur kriminelë kryesisht serbë, me një total prej 91 aktakuzash, duke përfshirë këtu edhe një kryetar shteti Sllobodan Millosheviç si dhe një numër të madh të gjeneralëve dhe poltikanëve të rangut të lartë të arrestuar dhe dënuar për një sërë krimesh. Që nga shtatori i vitit 2012, ajo shërbyen si anëtare e Komisionit Ndërkombëtar të Pavarur Hetimor për Sirinë./b.d
