Fabio Capello, strategu italian, ka hedhur akuza të forta në drejtim të presidentit të Real Madridit, Florentino Perez dhe Zinedine Zidanit.
Ish trajneri i Real Madridit, Fabio Capello mendon se Zinedine Zidane është i detyruar ta inkuadroj Karim Benzeman para Alvaro Moratas për shkak të ndikimit të presidentit të Los Blancos, Florentino Perez.
Ish trajneri i Juventusit dhe Romës ka zbuluar se sulmuesi francez dhe Perez kanë raporte shumë të mira, përcjell Express.
Ai mendon se Zidane po e inkuadron Benzeman për ta kënaqur Perezin. “Nëse duhet të zgjidhni në mes Benzemas dhe Moratas është një dilemë për çdo trajner “, ka thënë Capello për Fox Sports Italia.
“Unë mendoj se Zidane e ka gjetur zgjidhjen e duhur. Ai fillon me sulmuesit francez, kryesisht për shkak se ai është i dashur e presidentit, dhe pastaj inkuadron spanjoll për të vendosur lojëra”, shtoi ai.
Benzema ka shënuar katër gola në 12 paraqitje në të gjitha garat, duke filluar si titullar në nëntë prej këtyre ndeshjeve.
Kurse, Morata, ka shtatë gola nga 15 paraqitje, edhe pse ka startuar vetëm gjashtë herë, citohet “Express”. (b.an)
