Ligji i ri i miratuar nga parlamenti italian për Call Center që ndodhen jashtë këtij vendi ka vënë në lëvizje qeverinë shqiptare. Pas takikmeve të Ministrit të Mirëqenies Sociale Klosi, Ministri i Jashtëm Ditmir Bushati u nis për një vizitë zyrtare në Itali. Ai takoi homologun e tij italian me të cilin kishte në fokus gjetjen e një zgjidhjeje për këtë çështje.
“Në #Romë me kolegun dhe mikun e mirë të vendit tonë Paolo Gentiloni. Zhvilluam një bisedë të shkëlqyer mbi thellimin e raporteve dypaleshe, si dhe u ndalëm veçanërisht në problematikën e ‘Call Centre’ ku ramë dakord për të ngritur një grup të përbashkët për evidentimit të rrugëve të zgjidhjes. Mirënjohje për mbështetjen e fortë dhe të vazhdueshm të Italisë në rrugën tonë drejt BE-së”, shkruan Bushati në facebook.
Mbyllja e bizneseve Call Center do të nxirrte të papunë rreth 25 mijë të rinj shqiptarë./a.m.
