Ministri në Detyrë për Evropën dhe Punët e Jashtme, Gent Cakaj, mori pjesë në darkën e organizuar nga Sekretari Amerikan i Shtetit, Mike Pompeo që u zhvillua në Uashington në datën 5 shkurt, në Departamentin Amerikan të Shtetit. Në këtë darkë, Sekretari i Shtetit të SHBA-ve, mirëpriti një numër shefash të diplomacisë dhe zyrtarë të lartë të vendeve të ndryshme të botës, për t’iu bashkuar nismës së SHBA-ve për krijimin e Aleancës Ndërkombëtare për Avancimin e Lirive Fetare.
Me pjesmarrjen e tij, Kryediplomati Cakaj konfirmoi mbështetjen e padiskutueshme që Shqipëria i jep kësaj nisme amerikane si dhe shprehu vullnetin e vendit tonë për përfshirjen në aleancë. Shqipëria është krenare qe behet pjese e kësaj nisme mbasi ajo ka një histori te vlerësuar, mbas viteve te demokracisë ne vend, për mbrojtjen dhe respektimin e lirive fetare dhe te besimit, mbi bashkëjetesën ndërfetare dhe ka qene një avokate e zjarrte e mbrojtjes se këtyre te drejtave ne bote, gjate gjithë kësaj periudhe.
Shqipëria e ka vlerësuar dhe e vlerëson lirinë e fesë dhe të besimit si vlera të çmuara kombëtare, duke kërkuar respektimin e tyre edhe në arenën ndërkombëtare. Edhe në kuadër të Kryesimit të OSBE-së, Shqipëria do të vijojë të punojë për mbrojtjen dhe promovimin e këtyre të drejtave në të gjitha vendet e rajonit të OSBE-së, duke zhvilluar aktivitete që synojnë mbrojtjen e të drejtave të njeriut, përfshirë ato të lirisë së fesë e të besimit.
Ndërkohë nga ana tjetër në mëngjesin e lutjeve do të marrin pjesë edhe Ministri i Shtetit për Diasporën, Pandeli Majko, dhe deputeti Damian Gjiknuri së bashku me ministrin në detyrë të punëve të jashtme, zotin Gent Cakaj dhe presidenti Ilir Meta.
g.kosovari
