Ministri në Detyrë për Europën dhe Punët e Jashtme, Gent Cakaj është shprehur në një prononcim për “Financial Times” se, “bllokimi i negociatave do të sillte një ulje të rolit të Bashkimit Europian në rajon”.
Sipas Cakaj, një ndërlikim i mëtejshëm i situatës do të sillte “ndarje” mes vendeve të cilat kundërshtojnë ndarjen e çështjeve të Shqipërisë dhe Maqedonisë së Veriut dhe të tjerë që mendojnë se Tirana duhet të paguajë çmimin për avancimin e rastit të Maqedonisë, – një këndvështrim që gjen mbështetjen edhe të diplomatëve, – thuhet në shkrim.
Franca e cila ka qenë skeptike rreth zgjerimit të BE-së, thekson se procesi i anëtarësimit duhet të rishikohet para se të shqyrtohet pranimi i vendeve të tjera, pasiguri kjo që ministri Cakaj e quan “dilemë false”.
Gazeta prestigjoze “Financial Times” i ka kushtuar një hapësirë mediatike çeljes së negociatave të anëtarësimit për Shqipërinë dhe Maqedoninë e Veriut. Në një artikull të saj evidentohet skepticizmi i Francës dhe i disa vendeve të tjera si Holanda apo Danimarka.
/a.r
