Filmi “Cafe Society” i regjisorit Woody Allen do të hap festivalin e sivjetmë të Kanës, kanë thënë të martën organizatorët, që shënon edhe herën e tretë që shkrimtari dhe regjisori i njohur amerikan ka hapur këtë ngjarje me një prej filmave të tij.
Allen më parë kishte hapur festivalin prestigjioz vjetor, të mbajtur në jug të Francës, me filmat “Hollywood Ending” më 2002 dhe “Midnight in Paris” më 2011, raporton Reuters.
“Cafe Society”, ku luajnë yjet e “The Social Network”, Jesse Eisenberg dhe aktorja e “Twilight”, Kristen Steëart, do të shfaqet si film jashtë konkurrencës më 11 maj, transmeton Koha.net.
“Cafe Society” është filmi i 14-të që do të shfaqet jashtë konkurrencës në Kanë për Allenin, thonë organizatorët e festivalit.
Filmi flet për një djalosh të ri që arrin në Hollywood gjatë viteve të ’30-ta për të punuar në industrinë e filmit, bie në dashuri dhe e gjen veten duke rrëshqitur në kafenenë shoqëria që definon shpirtin e moshës, thuhet në një deklaratë.
Festivali i Kanës, i 69-ti me radhës, do të nis më 11 dhe do të përfundojë më 22 maj. Regjisori i filmit “Mad Max”, George Miller, do të udhëheqë jurinë e garës.
