Byroja e Kuvendit do të mblidhet sot në orën 13:30 për të shqyrtuar kërkesën e 12 deputetëve të PS për përjashtimin me 10 ditë të ish Kryeministrit Berisha.
Deklarata ekstreme e demokratit, që qytetarët të marrin armët u konsiderua nga maxhoranca si e papranueshme dhe ka shkaktuar një debat të gjerë edhe në publik.
Kërkesa u depozitua ditën e djeshme nga deputetët: Taulant Balla, Arta Dade, Pjerin Ndreu, Rakip Suli, Musa Ulqini, Luljeta Arapi, Erjeta Hysa, Ulsi Manja, Vasilika Hysi, Pirro Lutaj, Olta Xhaçka dhe Artan Gaçi.
Në kërkesën e PS thuhet se Berisha bëri thirrje për armatosje. “Iu bëj thirrje qytetarëve që të armatosen…qytetarët janë të gatshëm që t’ju kundërshtojnë me armë dhe të mos gjeni vrimë ku të futeni…”, thuhet në kërkesën e PS drejtuar Kuvendit.
