Kreu i Grupit Parlamentar të Partisë Demokratike Edi Paloka ka reaguar ndaj deklaratave të Kreut të Komisionit të Sigurisë Spartak Braho për vendmin e Gjykatës Kushtetuese lidhur me ngritjen e Byrosë Kombëtare të Hetimit.
Në një prononcim për mediat Paloka e cilësoi vendimin e Kushtetueses ishte i drejtë dhe se deklaratat e Brahos janë në vijim të sulmeve ndaj gjykatave.
“Deklarata e Brahos, vijim i sulmeve ndaj gjykatave. Vendimi i Gjykatës Kushtetuese është i drejtë. Byroja Kombëtare e Hetimit nuk mund të ngrihet. Sulmi i radhës ndaj gjykatave, nuk është habi”, tha Paloka.
Sipas tij, me ngritjen e byrosë, Rama vë nën kontroll drejtësinë, duke e kthyer vendin në Moskën e Putinit.
“Po e kthejnë vendin në Moskën e Putinit”, theksoi ai.
Nga ana e tij deputeti i LSI Spartak Braho e quajti vendimin e Gjykatës Kushtetuese për rrëzimin e ngritjes së Byrosë Kombëtare të hetimit, si vendimin më të keq të marrë nga kjo gjykatë.
