Nënkryetari i PD-së Edmond Spaho tha se Byroja e Parlamentit mori vendimin për të pezulluar nga punimet e kuvendit për një javë dy deputetët e PD-së Gent Strazimir dhe Bedir Hoxha, ndërsa deputeten Albina Deda me vetëm dy ditë. Spaho theksoi se për akuzën e PD-së se Kryeministri Rama dhe deputeti Braçe kanë fyer deputeten Albina Deda nuk ka patur asnjë reagim dhe dënim.
“Byroja dënoi viktimat dhe jo shkaktarët…. dënoi deputetët të cilët reaguan në përgjigje të fjalorit fyes të Ramës dhe Braces.. por nuk habitemi pasi ky problem e ka treguar fizionominë e tij të qartë. Ne do ta poërshkallëzojmë qëndrimin tonë dhe od të shqyrtojën të gjitha opsionet.”- tha Spaho.
Pas Spahos ka folur deputeti socialist Taulant Balla, i cili ka thënë se deputetja Albina Deda, në cilësinë e dëshmitares gjatë seancës së byrosë së parlamentit nuk i kishte dëgjuar fyerjet e prezumuara drejt saj nga ana e Kryeministrit dhe socialistit Braçe.
“Deputetja Deda ndaj së cilës pretendohet se ka patur fyerje vetë nuk i kishte dëgjuar.. por mesa duket ka dëgjuar Fevziun dhe liderit e vet Basha që i zbardhi aty fyerjet.”- tha Balla.
Në lidhje me pretendimin e deputetes demokrate Albiona Halimi, e cila tha më parë se socialistët pretendoni se nuk kishte materiale video të seancës së djeshme, Balla ju përgjigj kështu:
“Ka disa njerëz që nuk bëjnë dot diferencë mes videos dhe audios… për efekt dokumentacioni deputetët kërkues të PS-së kishin prezantuar edhe video të momentit të gjuajtjes së vezës… se kishte dhe një pretendim se deputetët i kishin rastësisht vezët dhe meqë u provokuan kishin goditu me vezë.”
Ditën e djeshme gjatë seancës së tensionuar të Parlamentit, demokratët tentuan të qëllojnë me vezë Kryeministrin. Më pas PS e dënoi aktin duke kërkuar përjashtimin nga punimet e parlamentit të personave përgjegjës. Nga ana e saj PD insistonte në pretendimin se deputetja Albina Deda është ofenduar nga Kryeministri Rama dhe socialisti Erjon Braçe me fjalë dhe fraza fyese dhe denigruese.
