Teksa e ashtuquajtura çështja e “Xhafaj” ka zënë peshën kryesore të diskursit politik këtë periudhë, mazhoranca dhe opozita vijojnë komunikimin për reformën zgjedhore.
Dy partitë e mëdha, PD dhe PS duket se po shkojnë drejt dakordësisë për disa çështje, edhe pse progresi është mjaft i ngadaltë dhe partitë e vogla kërkojnë me ngulm ndryshimin e sistemit.
Kjo pasi me sistemin aktual ato e kanë mjaft të vështirë të jenë në parlament. Reforma zgjedhorte ishte tema e kësaj të hëne në “Real Story” ky deputeti i PD Oerd Bylykbashi dhe deputetja e PS Klotilda Ferhati replikuan lidhur me ndasitë mes palëve sa i takon kësaj reforme.
“Është e pafalshme që për gjashtë vite ne nuk kemi bërë asnjë reformë zgjedhore. Kemi bërë në 2012-ën reformë kur Berisha tha se japim konsensus për gjithçka, mjafton të jepet OK nga OSBE-ODIHR. Atëherë propozohej edhe teknologjia në zgjedhje, por për pamundësi teknike nuk u implementua”, deklaroi Bylykbashi.
Bylykbashi tha më tej se në zgjedhjet e fundit 20 % e votuesve ishin të ekspozuar ndaj shitblerjes së votës, që sipas tij ka përcaktuar rezultatin përfundimtar.
Ndëkorhë, deputetja e PS Ferhati replikoi me Bylytkbashin kur tha se nuk mund të fajësohet mazhoranca për vonesat me reformën. Ajo kujtoi edhe bllokimin e punës së komisionit për shkak të mosprezencës së opozitës vitin e shkuar.
“Teknologjia nuk e rrit besimin e qytetarëve, apo nuk e forcon integritetin e proceseve. Mund t’i shërbejë aktorëve politik për rritjen e besimit, por nuk ëhstë elemtni thelbësor. Ne kemi qenë të hapur për të nisur reformat zgjedhore. Nuk mund t’i vihet faj mazhorancës kur kujtojmë se në vitin 2017 reforma u bllokua nga mospjesëmarrja e opozitës”, deklaroi Ferhati.
Teknologjia është edhe çështja kryesore e debatit mes mazhorancës dhe opozitës, e cila këmbëngul për implementimin e saj. Por a është zgjidhje kjo kundër shitblerjes së votës?
“Unë nuk mendoj se teknologjia në zgjedhje mund ta zgjidhi problemin e blerjes së votës. Siç thonë ekspertët blerja ndodh para”, thotë Eduard Zaloshnja.
Ndërkohë ish-kryetari i KQZ Çlirim Gjata thotë se “ti mund ta blesh atë, por votuesi mund ta ndryshojë votën”./a.m.
