Marrëveshja mes partive politike, për reformën Zgjedhore, është përshendetur nga faktori ndërkombëtar, edhe pse është parë nga opinionin publik disi me skepticizëm.
Është folur për një pazar, mes partive, për të ndarë sërish pushtetin, në zgjedhjet e ardhshme, sesesa në realizimin e një reforme që do të sillte zgjedhje të lira në dobi të vendit.
Sipas PD, Edi Rama rrëzohet vetëm me zgjedhje të lira.
Oerd Bylykbashi, i ftuar në studion e emisionit “Tempora” shkoi sot më tej duke thënë se Rama shporret nga politika dhe më pas do ta ndjekë drejtësia për të gjitha aferat korruptive që ka bërë.
“Me zgjedhje të lira dhe të ndershme në bëjmë më shumë sesa të rrëzojmë Ramën. Rama shporet nga politika, sepse në momentin kur Rama mbyll hesapin me qeverisjen, Ramës do t’i vihet nga pas drejtësia, për gjithë zullumin që ka bërë. Do t’ja numërojë një për një ato që ka bërë”, theksoi Oerd Bylykbashi.
Rezart Prifti, i ftuar në studio, i tha zyrtarit të PD-së që është ngarkuar për marrëveshjen e Reformës Zgjedhore, se “nuk i beson njeri këto.”
“Me zgjedhje qërohet (Rama) nga politika dhe më pa do ta ndjekë drejtësia, ajo që kemi miratuar në 2016”, u shpreh Bylykbashi, duke shtuar se “Edi Rama është për burg për të gjitha aferat.”
Ajo çka e bën edhe më të vështirë ndëshkimin e kryeminsitrit nga drejtësia është se PD-ja dhe opozita nuk besojnë tek ecuria e Reforma në Drejtësi, ndaj edhe deklarata e Oerd Bylykbashit mund të bëhet realitet, nëse me ardhjen e opozitës në pushtet, kjo reformë do të pësojë ndryshime.
/a.r
