Kryeministri Edi Rama ka folur nga aula e parlamentit në lidhje me buxhetin e ri për vitin 2017, duke thënë se në lidhje me rrugët e ndërtuara në Shqipëri, shumëkush mund të kujtojë këngën e PD për “10 mijë kilometrat e rrugëve”, por në të vërtetë në 8 vite, qeveria Berisha ka ndërtuar vetëm 943 km rrugë. Madje Rama ka thënë se në një version absurd, në vitin 2013, kur PD ishte në opozitë, thoshte se kishte ndërtuar 11 mijë km rrugë, pra 1 mijë km i kishte ndërtuar teksa ishte në opozitë.
Në lidhje me buxhetin e vitit të ardhshëm, Kryeministri Rama ka thënë se do të stimulohet ulja e borxhit publik, teksa rritja ekonomike do të jetë mi 3%.
Kryeministri ka deklaruar se buxhet i katërt i qeverisë së majtë do të ketë dhe shifrën më të lartë të investimeve në 6 vitet e fundit për sektorin e shëndetësisë. 52 mln dollarë do të investohen në shëndetësi tha Kryeministri, dhe 32 mln të kësaj shume do të jepen nga privati përmes partneritetit publik –privat.
“Një ndër treguesit më të plotë të kësaj rritje është spostimi i 100 mln dollarëve drejt qytetarëve. Sa për të pasur një ide të domethënies së kësaj rritje, mjafton një krahasim shumë i thjeshtë. Në 8 vitet e qeverisë së shkuar, u spostuan, 124 mln dollarë gjithësej, ndërsa vetëm me këtë buxhet ne spostojmë 100 mln dollarë, ndërkohë që përmes uljes së taksës mbi të ardhurat personale, në sistemin publik e privat, kemi spostuar 440 mln dollarë në harkun e 4 viteve. Që do të thotë se kjo qeveri, ka vendosur të heqë mbi gjysëm miliardë dollarë nga arka e shtetit në duart e qytetarëve.
Në të njëjtën kohë na është dashur të shlyejmë një mal prej 720 mln dollarësh borxhe të fshehura që e gjetëm në tavolinë… por nuk ka mbaruar, sepse sikur të mos mjaftonte, ishin dhe 1.1 mld dollarë të akumuluara nga OSHEE… na u desh të përballemi me një krizë të vërtetë financimi nga kantieret e hapura të rrugëve.
Shqiptarëve ju thuhej përditë nga qeveria vjetër se ishin ndërtuar 10 mijë Km rrugë, ndërkohë që këtu në opozitë, në 2013 thonin që kishin ndërtuar 11 mijë Km… pra kishin ndërtuar dhe 1 mijë Km duke ndenjur në opozitë.
Likuiduan vetëm 34% të vlerës financiare të kontraktuar duke lënë një gropë madhështore të tenderave dhe kantiereve që kishte hapur me daulle në të katër anët e Shqipërisë. Qeveria vjetër, asaj këngës rrugë rrugë, kishte para vetëm për 1/3 e shumës së tenderuar, ndërsa 2/3 ja la në kurriz kompanive dhe qeverisë tonë.
Në fakt e dini sesa kilometra rrugë ka bërë realisht qeveria e vjetër, vetëm 940 km! Nuk po hy fare tani sesi i ka bërë, por po them të vërtetën e thjeshtë që tregon libri i llogarive të infrastrukturës.
Vetëm 943 km!
1.6 miliard dollarë të palikujduarn për rrugët. Po ju jap dhe një shifër tjetër meqe jemi tek gropat, për katandinë e doganeve dhe tatimeve.1.55 miliardë dollarë u munguan në 8 vjet qeverisje. E shtyu Shqipërinë një hap më shumë drejt greminës financiare.
Tre buxhetet tona mundësuan shmangien e greminës, konsolidimin fiskal. Sot nga një ekonomi që luhatej me 0 dhe 1 përqind rritje kemi një ekonomi që këtë vit do të rritet mes 3.3 dhe 3.5% dhe do vazhdojë të rritet. Miqtë tanë këtu në të djathtë i parashikuan Shqipërisë një skenar grek, fantazuan dhe deflacionin që u mbiu në gjuhë disa kohë që do rezultonte fatale për qeverinë dhe PS që do përfundonte si PASOK. Por ja ku është qeveria dhe ku do të jetë dhe sot një vit për të paraqitur buxhetin e pestë. Por le të qëndrojmë tek buxheti i katërt. Jo vetëm rrisim rrogat dhe pensionet por financojmë reformat. Hyjmë në trajektoren e një ulje historike të borxhit ekonomik, stimulojmë miqeverisjen duke vendosur qytetarin më në qendër se asnjëherë më parë.
Investimet në shëndetësi, 52 mln dollarë, 600 mijë persona përfitojnë rishtaz rimbursim
Nga fusha e shëndetësisë, duke e thelluar më tej reformën në shëndetësi, në vitin 2017n ne do të zgjerojmë listën e ilaceve të rimbursueshme edhe për plot 600 mijë shqiptarë, të cilët janë të pasiguruar dhe të cilët nuk kanë përfituar dot nga kjo listë. Nga janari do të rimbursohen plotësisht, kjo do të thotë se 8 mln euro nuk do t’i shpenzojnë më për ilace, por do ti mbajnë në xhepat e tyre.
E dini sa është shifra që kjo qeveri do të investojë në këtë buxhet, në rrugën shumë të vështirë të rilindjes së shëndetësisë… është afro 3 % e GDP-së, 52 mln dollarë, investimi më i madh buxhetor në harkun e 6 viteve. Nga këto 52 mln dollarë 31 i investojnë kompanitë partnere, ato të shumë “mallkuarat” nga ana juaj.
Përballja me injorancën e kardiologëve të kthyer në pseudo- politikanë… a e keni dëgjuar kur ja rrokanisin kokën miletit duke u thënë se paratë tuaja ua kanë dhënë disa miqve?! Ja ku janë shifrat!
Shteti sot nuk investon dot më shumë se 21 mln dollarë drejtpërdrejt, kaq ka për shëndetësinë! Borxh nuk merr dot! Por edhe po të merrte prap do të ishte një hile, sepse do tua merrte njerëzve!
Rritja ekonomike dhe taksat ndaj biznesit
Kjo ekonomi që ju e mallkoni cvdo ditë si fundin e botës ka fituar besim në tregun ndërkombëtar… për këtë referojuni FMN-së, referojuni raportit të progresit të Komisionit Europian dhe më gjeni një kapitull më pozitiv sesa ai.
Rritja ekonomike e këtij viti nuk bazohet në rritje taksash…. ne kemi vendopsur një marrëdhënie të re bvesimi mes qeveerisë dhe sipërmarrjes. E kemi treguar me vepra dhe jo me fjalë se sipërmarrësit nuk janë një grusht njerëzish të ilëve u vilen taksat… nuk e diskutojmë fare se kur thoni ju se u kemi rritur taksat të na vijë keq. Bizneset e vogla për të cilat na akuzonit se i kemi rritur taksat? Ata janë me taksim zero! As në ëndrrat tuaja më të cmendura nuk e mendonit se ne do ta bënim këtë. Tregtari juve ju dukej mizë!
Kompanitë e huaja të ardhura në 3 vitet e fundit, 2239 të tilla
Sot që flasim, numri i bizneseve të regjistruar ka mbërritur në 197 mijë biznese, 54 mijë biznese më shumë sesa latë ju! A janë shumë dhe a jemi të kënaqur? Jo! Por ato dalin dhe teprojnë në krahasim me qeverisjen tuaj!
Edhe një gjë tjetër për akuzat tuaja se shqiptarët po ikin dhe spo lënë gjë këtu. 2239 kompani me kapital 100% të huaj që zhvillojnë për herë të parë aktivitet për herë të parë në këto 3 vite. Janë regjistruar 2239 kompani të tilla!/ java/a.k
