Emilio Butragueno ka përkrahur vendimin e Zinedine Zidane për ta zëvendësuar Cristiano Ronaldon.
Trajneri francez, Zinedine Zidane, zëvendësoi Cristiano Ronaldo në minutën e 72’të ndaj Las Palmas, ku ‘Los Blancos’ barazuan 2:2.
Ky zëvendësim nuk i pëlqeu aspak yllit portugez, por drejtori i Real Madridit, Emilio Butragueno, ka përkrahur veprimin e Zizu, përcjell Gazeta Express.
“Zëvendësimi i Cristiano Ronaldos ? Lojtarët dëshirojnë të luajnë gjithmonë, por është trajneri që i merr ato vendime dhe nuk mund të përzihemi në to”, tha fillimisht ai.
“Në pjesën e parë patëm disa vështirësi, por pjesa e dytë ishte në dorën tonë – por nganjëherë rezultati nuk është i drejt.
Ne kemi lëshuar 4 pikë në 2 ndeshjet e fundit dhe që të dy ndeshjet merituam t’i fitonim.
Shikojmë përpara pasi kemi një ndeshje të vështirë në Gjermani kundër Dortmundit”, shtoi Emilio Butragueno, përgatiti “Express”. (b.an)
