Menaxheri i kombëtares Alban Bushi teksa vlerëson në maksimum tifozerinë shqiptare u kërkon që të mos merren me Serbinë, por të mbështesin ekipin në fushë nga fillimi deri në vërshëllimën e fundit të arbitrit.
“Ne kemi treguar se i mikpresim dhe i respektojmë kundërshtarët. Janë këta tifozë që e kanë sjellë ekipin tonë deri këtu, është 20-30% merita e tyre, mendoj unë.
Këtë meritë ata nuk duan ta hedhin poshtë, ata nuk duhet në asnjë minutë të pushojnë.
Unë mendoj që nga minuta e parë deri në minutën e 95 ata duhet të jenë zjarr në stadium.
Nuk duhet të merremi fare me Serbinë po duhet të mbështesim ekipin shqiptar në çdo minutë, në çdo sekondë të saj”, tha Alban Bushi, menaxheri i kombëtares shqiptare.
