Ministri i Jashtëm, Ditmir Bushati, ka uruar sot Presidentin e sapozgjedhur të Gjermanisë, Frank-Walter Steinmeier.
Në një postim në statusin e tij ne Facebook, ministri Bushati, shprehet: “Urime mikut Frank-Walter Steinmeier, i cili u zgjodh në detyrën e rëndësishme të Presidentit të Gjermanisë! Si një zë i fuqishëm e i arsyeshëm i unitetit e vlerave më të mira europiane, jam i bindur se Presidenti Steinmeier do të vijojë të jetë burim frymëzimi në situatat e vështira me të cilat po përballet projekti europian. Për mua ka qenë privilegj njohja e bashkëpunimi me të si ministër i Punëve të Jashtme të Gjermanisë”.
“Mbështetja e tij dhe e qeverisë gjermane për ecurinë e integrimit europian të Shqipërisë e rajonit ka qenë dhe mbetet e pazëvendësueshme”, shkruan Bushati. /b.d
