Ministri i Jashtëm Ditmir Bushati ka patur një takim me përfaqësuesen e lartë të BE-së për politikën e jashtme Federica Mogherini me të cilën ka bashkëbisduar në lidhje me situatën në rajonin e ballkanit.
Bushati është shprehur në rrjetin e tij social nga ku ka shkruar se i ka bërë me dije Mogherinit se Shqipëria dhe shqiptarët, pavarësisht se në çfarë shteti jetojnë, janë pro politikës për një rajon të sigurt/ Bushati nuk ka lënë pa bërë një krahasim, edhe pse në mënyrë diplomatike, të sjelljes së shqiptarëve, qasjes së tyre ndaj BE-së, dhe sjelljes së Serbisë, e cila nga një anë provokon me trenin me simbole ultranacionaliste dhe nga ana tjetër shfaqet përpara BE-së si shteti që kërkon dialog dhe jo përdorim të populizmit apo armëve.
“Takim miqësor me Përfaqësuesen e Lartë për Politikën e Jashtme dhe të Sigurisë të BE-së, Federica Mogherini, në kuadër të ministerialit të mesdheut në Barcelonë.
Diskutuam për zhvillimet e fundit në rajon, rolin stabilizues dhe europianizues të shqiptarëve në shtetet ku ata jetojnë, vizionin e Shqipërisë për një rajon të sigurt ku proceset demokratike shtet-konsoliduese vijojnë pa u keqpërdorur nga aktorë të tretë.
Shqipëria mbetet e angazhuar për të vijuar kontributin e saj për një rajon të kyçur në rjedhat euro-atlantike.”-shkruan Bushati./java/a.k
