Ish-ministri i Jashtëm Ditmir Bushati deklaroi gjatë seancës së sotme plenare se progres-raporti pasqyron qartë të gjitha arritjet. Bushati deklaroi se dje ndjeu keqardhje nga reagimet e opozitës.
Deputeti socialist deklaroi se qeveria në këtë proces ka thjesht barrën kryesore dhe duhet të bëjë detyrat. Merita është vetëm e shqiptarëve.
“Ka vende që edhe pse janë bërë para Shqipërisë ia lejojnë vetes të ulen në dy karrige. Nuk është rastësi që raporti identifikon mbështetjen e fuqishme të firmosjes së marrëveshjes së Prespës. Raporti ofron një pasqyrë të qartë të të gjitha arritjeve. Unë kam 10 vite në këtë sallë dhe më erdhi keq me reagimet e opozitës në lidhje me këtë sukses të Shqipërisë. Ishin pasqyrë e dëshpërimit. Kam qenë ministër i jashtëm dhe në 2016 kemi bërë një debat. Po ashtu vjet kemi bërë debat nëse rekomandimi do shtronte rrugën për hapjen e negociatave. Qeveria në këtë proces ka thjesht barrën kryesore dhe duhet të bëjë detyrat. Merita është vetëm e shqiptarëve. Mbi 90% e shqiptarëve nuk kanë asnjë dyshim për sa i përket kursit të Shqipërisë”, u shpreh Bushati.
