Ministri i Punëve të Jashtme, Ditmir Bushati, priti në një takim Ambasadoren Audrey Glover, në cilësinë e saj si Kreu i Misionit Vëzhgues të OSBE/ODIHR-it e për zgjedhjet vendore të 21 qershorit në Shqipëri.
Glover i dorëzoi Ministrit Bushati raportin përfundimtar mbi vëzhgimin e zgjedhjeve.
Gjate takimit palët diskutuan gjetjet dhe rekomandimet e raportit përfundimtar, vlerësuan arritjet e shënuara, si dhe theksuan rëndësinë e vijimit të bashkëpunimit ne funksion te përmirësimit dhe forcimit të demokracisë ne vend.
Ministri Bushati e vlerësoi raportin si te balancuar, qe fotografon arritjet dhe identifikon sfidat qe mbeten për tu adresuar nga aktoret politike dhe institucionet e administratës zgjedhore. Ne emër te qeverise shqiptare, ai shprehu angazhimin për te adresuar rekomandimet me synim konsolidimin e procesit zgjedhor në Shqipëri mbështetur ne praktikat më të mira dhe angazhimet e OSBE/ODIHR-it.
Znj. Glover vlerësoi mbështetjen dhe bashkëpunimin me qeverinë shqiptare për mbarëvajtjen e gjithë misionit vëzhgues nen drejtimin e saj, si dhe shprehu angazhimin e ODIHR për te vijuar me tej bashkëpunimin me Shqipërinë.
