Bushati: Modeli i Bashës, si ai i Berishës. E la bashkinë e Tiranës të zhytur në borxhe
Deputeti socialist Ervin Bushati ka reaguar sot përmes një deklarate për shtyp nga selia e PS, mbi akuzat që lëshoi dje shefi i opozitës, Lulzim Basha.
Basha do të shprehej dje se kjo ëshët qeveria e varfërisë dhe paaftësisë për të qeverisur duke ju referuar mosmbedhjes së tatim-taksave, por edhe duke ju referuar azilatëve dhe varfërisë në rritje sipas tij.
Mbi këtë Bushati është shprehur se modeli që Basha ofron është ai i Berishës.
Bushati u ndal te Bashkia Tiranë, e cila sipas tij është 30 mln euro borxh, në kohën që Basha e drejtonte këtë institucion.
Ai theksoi se më e rëndësishmja është modeli që Basha ofron, i cili është tërësisht i mbrapshtë.
“Ditën e djeshme u provua sërish se modeli që ofron Lulzim Basha është i njëjtë me modelin që ofroi për tetë vjet rresht Sali Berisha: Zhytu në borxh, se pastaj fiton kundërshtari e lë të merret ai me borxhet.
Njësoj si Saliu, që e la Shqipërinë të zhytur në borxhe, borxhe të cilat shqiptarët dhe qeveria e re po i vuan ende sot, edhe Luli e la bashkinë e Tiranës në borxhe deri në fyt.
Plot 30 milionë dollarë borxh, raporton administrata e re e bashkisë, thjesht e vetëm nga një audit fillestar i kryer në këto pak ditë.
Por përveç shumës së borxhit me të cilën duhet të përballet bashkia e re e Tiranës dhe qytetarët e saj, i rëndësishëm është modeli i mbrapshte i Lulzim Bashës.
Gjithë këto ditë del e flet dhe akuzon qeverinë për mbledhjen e të ardhurave: edhe pse krahasuar me vitin më të mirë të Partisë Demokratike që ai mundohet te drejtoje, kjo qeveri ka mbledhur shumë më shumë.
Por, pavarësisht se bën se nuk kupton arsyet pse mbledhja e të ardhurave ka pësuar një rënie të përkohshme: për shkak të faktorëve të jashtëm apo të ridimensionimit të ekonomisë vënë në lëvizje dhe nga rritja e prodhimit vendas; Lulzim Basha teksa kërkon llogari tek të tjerët, nuk ka guximin të thotë as edhe një fjale të vetme për borxhin kolosal që la pas në Bashkinë e Tiranës.”, u shpreh Bushati.
