Ministri i Jashtëm, Ditmir Bushati, iu është përgjigjur shqetësimeve të Maqedonisë dhe Greqisë ditën e djeshme.
Fillimisht ai tha në konferencën rajonale të ministrave të Jashtëm, se ngjarjet e ndodhura në Kumanovë kanë nevojë për një hetim të plotë.
“Ndaj 100% të njëjtin opinion me kolegun Mitov në lidhje me nevojën për një transparencë të thellë dhe të besueshme për të gjithë atë çfarë ka ndodhur.
Integriteti territorial i Maqedonisë, stabiliteti demoratik, harmonia ndërentike siӓ parashihej në Marrëveshjen e Ohrit janë esenciale jo thjesht për Maqedoninë, por besoj për stabilitetin demokratik në rajon. Jemi të intersuar më shumë se kushdo tjetër për një busull, për një kompas euroatlantik të Maqedonisë”, tha ai.
Po kështu Bushati iu përgjigj shqetësimit të shprehur nga Athina lidhur për zgjedhjen e kreut të PDIU-së Shpëtim Idrizi si nënkryetar i Kuvendit:
“Është e vështirë për një përfaqësues të ekzekutivit të komentojë vendimet e sovranit, pra të Parlamentit, jo më të imagjinohet që të komentojë vendimet e Parlamentit të një vendi tjetër.
Marrëdhënia jonë me Greqinë nuk mund të jetë e kondicionuar nga vendimarrjet politike që bëjnë forca të ndryshme në koalicion apo opozitë, si në Shqipëri ashtu dhe në Greqi”.
