Kryeministri Edi Rama ka premtuar kalimin e bashkive në një nivel tjetër. Gjatë takimit me kryebashkiakët e qarkut të Fierit, Rama u ndal ndër të tjera te sektori i bujqësisë.
Kreu i qeverisë tha se pikat e grumbullimit sollën rezultate dhe të njëjtën gjë duhet të bëjnë edhe me pikat e përpunimit. Rama u kërkoi kryebashkiakëve, që brenda këtij viti të kenë një ose dy projekte gati për të përfituar fondin e garancisë sovrane për bujqësinë.
“Duhet ti kalojmë bashkitë në një nivel tjetër, entitete që krijojnë edhe ndërmarrje. Siç bëmë me pikat e grumbullimit, të bëjmë tani me pikat e përpunimit.
Bashkitë kalojnë në një vlerë tjetër. Këtu po i kthehem asaj që thashë, i kemi krijuar ushte që përmes bashkive ti stimulojmë këto iniciativa. Pikat e grumbullimit janë një rrjet serioz sepse i nxitëm ne. Ne shqiptarët jemi të jashtëzakonshëm për të kopjuar çdo gjë që bën progres.
Brenda këtij viti çdo bashki duhet të ketë projekte për të aksesuar fondin e garancisë sovrane. Bashkia bashkë me fermerët. Ata fermerët që dalin në rrugë dhe thonë nuk po na shitet tu jepet një mundësi e re edhe për grumbullimin, dhe përpunimin, duke i përfshirë”, tha Rama.
Më tej, krtyeminstri doli edhe për situatën e çmimeve. Sipas tij në këtë aspekt duhet të krijohet transparencë.
“Elementi tjetër, është ky debati për çmimet, për spekulimet ka saç ka brenda rrezikun që të na çojë në populizma të pakuptimtë që medet janë këta që grumbulluesit janë problemi. Ka brenda edhe një problematikë tjetër, logjika është si të krijojmë ne një sistem të transparencës së çmimeve. Si krijojmë ne atë që quhet bursa e produkteve? Bashkia e Lushnjes ka filluar të mendojë për këtë. Bashkitë e Fierit duhet të kenë një profil shumë të fortë bujqësor dhe nuk është vetëm hap kanale, që është bërë mirë. Është të futesh më thellë”, tha Rama./m.j
Eksportuesit e prodhimeve byjqesire jane krijuar monopol tek cmimet .Zgjidhja eshte aktivizimi i bashkive jo vetem si njesi administrative por dhe menaxhuese e prodhimit bujqesor