Të tjera detaje zbulohen për ngjarjen e ndodhur mbrëmjen e sotme në Durrës, ku burri vrau gruan me mjete të forta pas një konflikti të çastit.
Ngjarja ndodhi në lagjen numër 15 të qytetit, kur Çlirim Shaholli 42 vjeç qëlloi me mjete të forta gruan e tij Ana Shaholli 40 vjec.
Ai ka thënë se nuk donte ta vriste gruan e tij, por asaj i ka rënë koka në dysheme dhe ai e ka dërguar në spital, por nuk ka mundur t’i shpëtojë plagëve.
“Nuk doja ta vrisja gruan time. Të mjerët ne çfarë na gjeti na ndodhi hataja. Kam 6 kalamaj, kush do mi ushqejë tani.
U grindëm se unë i thashë ngriu hap dritaren se është vapë dhe ajo më shtyu. Ajo më shtyu dhe unë e shtyva me pas.
Gruaja ra në çimenton e shtëpisë dhe përplasi kokën. Unë e pashë që ishte ne gjendje të rëndë dhe e dërgova në spital”– ka thënë në gjendje të rënduar burri.
***
Një tjetër ngjarje e rëndë ka ndodhur ditën e sotme. Një burrë ka vrarë aksidentalisht gruan e tij në Durrës.
Ç.SH ka shtyrë pas një sherri bashkëshorten e tij A.Sh. 40 vjeçe, e cila ka rënë në tokë dhe ka përplasur kokën.
40-vjeçarja është dërguar me urgjencë në spital pas ngjarjes, por nuk ka mundur t’u mbijetojë plagëve të marra.
Ndërkohë, policia ka vënë në pranga autorin e ngjarjes, të cilin po e merr në pyetje për rrethanat e ngjarjes.
Dyshohet se vdekja ka ardhur nga goditja në çimento që i ka shkaktuar vdekjen nënës së 6 fëmijëve.
. /b.d
