Një grua ka pesuar gjendje te fiketi në një veturë në parkingun e ETC-së në Gjilan dhe vetëm pas ardhjes së zjarrfikësve dhe policisë ka arritur të shpëtojë, pasi kishte mbetur e mbyllur në veturë.
Dëshmitarët që kanë qenë në vendin e ngjarjes thonë se gruaja ishte mbyllur në veturë nga burri i saj i cili kishte shkuar të falej në xhami.
“Tipi e ka parkuar makinen në ETC, e ka mshelë gruan në te, edhe ka shkuar të falet në xhami. Si të premteve qysh u zgjat më shumë, ajo gruaja për shkak të temperaturës, ka nis të ndjehet në siklet edhe ka filluar të mbes pa frymë, Asnjë xham s’ka mund ta hapë”.
“Kanë ardhë zjarrfikësit, bashkë me ambulancën dhe policinë”, tregon një dëshmitar që e ka parë ngjarjen nga afër.
Edhe Policia e Kosovës ka konfirmuar rastin.
Shaban Azizi nga Drejtoria Rajonale në Gjilan ka thënë se gruaja nuk ka probleme shëndetësore dhe rasti po vazhdon të hetohet.
a.ç
